فتح اللجنة المركزية للأحوال المدينة:

[أبن وايل]

  السلام عليكم ورحمة الله وبركاته.

صادفت عنوان هالمنتدى بالشيخ قوقل شدني أسمه ... المهم أنا دخلنا به وسجلنا لقيناه ممحل مبطي المطر ماجاه مدري وين أهله أخاف أنهم تم حلهم كما حلت اللجنة المركزية.
عالعموم مايهمني ابي اسولف على نفسي واللي يدخل بالخطأ لهالموضوع لا يهتم للعنوان تراه مجرد أمنية.

كيفي لحالي بهالمنتدى بفرح نفسي صارلي سنين وسنين وانا انتظر السنع المعاملة راحت المعاملة جت ... كلها قمزة رحت بعدل اسمي وعسى ماعادت هونت ماني بمعدل بس ابي ارجع لوضعي الأول تصدقون ياجماعة صارلي أكثر من 30 سنة وانا ركض وراء المعاملة ... مبطي من اكثر من 20 سنة كانت عندي أحلام ومشاريع ابي اسويها لا وابي ادرس وأحلم أني اصير أستاذ جامعي ... لا والله من جنبه.

المهم وين السنع وشلون نحل وضعنا وين نروح قبل ماتقفل الملوية اللجنة ياجيناهم قالوا ننتظر أوامر أبن نايف وأمركم خلاص جاهز ... وهالحين قفلوها معاد إلا مكاتب تهوبي ويارحنا الوكالة ممنوع الدخول وليا دخلنا قدم معروضك للوكيل ويمن ترجع تنشد وش صار محد يعطيك جواب ... أووزارة الداخلية ممنوع الدخول واذا تبي سجل طلب مقابلة ويمن سجلت محد يرد عليك ولا فيه أمل تقابل.

وين نغدي وين نروح ... واحد من قرايبي ضحك علي قال انت مشغل بالك ليه عمرك الحين 50 سنة كم بقالك يعني الباقي أقل من اللي مضى تصبره لين تموت.

بس حاول تموت مسلم لا تنتحر خسرت الدنيا وتخسر الآخرة.

 اللهم لك الحمد أنت خلقتنا وانت الحق وأنت العدل.

[أبن وايل]

مستانس بهالمنتدى ما غير أنا لحالي .... اقلب مواضعيه وانظف غباره

يا الله يا عسى بالأمر خير