نتعي أو لا تنتعي

[راجـي.خـير]

من اول هالسنة حديث المجالس شهر خمسة فيه اوامر شهر خمسة الكل متجنس شهر خمسة .....

شهر خمسة جيت ماغطاً وارد عراوي للرياض وأروح للجنة أول مادخلت هالغبرات ماليتن الصالة تقل داخللي بيت مهجور عالعموم طلعت للدور الثاني رحت للمكتب اللي فيه معاملتي لاهو مسكر والممر مظلم ومامن أحد ألف يمين ألف يسار أطالع أتشوف مامن أحد وفيه مكتب مفتوح ومظلم ومابه أحد وهالأوراق والدوسيهات مجدعة بهالمكاتب (بغيت أفسر عن ذرعاني وأخلص معاملات الناس) طلعت من اللجنة (3) لا سكرتير رئيس اللجنة جالس على مكتبه يناظربي بحرت به شوين ورجعت فوق تحت ولا كلمة وحتى السلام ماسلمت عليه وأدحدر مع الدرج وأركب ددسني وأروح لحدا الربع هذا هالكلام يوم الأحد الفايت وأمس الربوع قلت نبي نمرهم قبل مارنجع للديرة عالعموم أجيهم حدود الساعة (11) الصبح وشرحه سرا وأرجع وأركب ددسني وتنتع صابته شرقه (نتعي او لا تنتعي فليس لكي إلا المغط لحفرالباطن)

فقط الشي اللي أنا مستغربه أني حتى السؤال ماسألت بس بحرت بوجه سكرتير رئيس اللجنة ورجعت مستانس أويييييي .... !!!!

............... حسبي الله ونعم الوكيل
............... حسبي الله ونعم الوكيل
............... حسبي الله ونعم الوكيل
............... حسبي الله ونعم الوكيل
............... حسبي الله ونعم الوكيل
............... حسبي الله ونعم الوكيل
............... حسبي الله ونعم الوكيل

[مناحي]

هالسكرتير اللي شفته عرضة حصني

عيت الددسن تشتغل من وجهه الودر ههههههه

انا انصح يخلون المبنى عرض لمسرحية البيت المسكون يكون افضل

ياخي انا جيت ذاك بالفعل زي ما قلت حسيت اني داخل بيت اشباح

افتح المكاتب شوي شوي كني حرامي ادور زول ولا احد يستقبلني

فتحت حدا البيبان استقبلني عنكبوت شكله مرعب وهرب مني وهو يصيح ويقول : مامن سنع مامن سنع مامن سنع ،،،