اللجنة المركزية الرياض حي الفلاح تبي تقفل

[ضاق بي الكون]

نعم اخواني هذا ما سيحصل

فقد توجه احد اصدقائي الثقات الى اللجنة المركزية في الرياض حي الفلاح مخرج ٧

لتفقد الاخبار حيث انه يعرف شخص موظف هناك وافاده الموظف ان اللجنة خلال الاسابيع القادمه سوف تغلق تماما وسيتم تحويل الملفات الى الداخلية وسوف تحققون بالداخلية حيث ان هناك جدية في انهاء الوضع خلال الستة اشهر الجاية .

حبيت انقل لكم هالخبر للاحاطه والعلم

تعليقي علا الخبر

اتوقع ان الداخلية ايقنت ان اللجنة اللي بحي الفلاح معطلين العالم ومستقعدين للناس وعنصريين وحسودين جالسين كل صبح بس فطور وقهوه ولاجيتهم يشوفونك كنهم شايفين عزرائيل لعنت الله على كل طاغي ظالم ما يخاف الله وانشاء الله اخوان نوره ماهم مخلينا .

[استفهام]

اللجنة ما فتحوه الا علشان موضوع القبائل النازحة وموضوع تجنسيهم وصالهم اكثر من سبع سنين فاتحين على الفاضي ما سووا اي شيء لاحد
والحين تقفل من دون ما خدمة احد امر غريب جداً
والتحقيق بوزارة الداخلية صعب ما اتوقع بهذا الشيء
شكلهم قالوا خلاص ما عاد فيه تجنيس ويبون يقفلون على الموضوع مرة وحده

لكن نقول ان شالله يطلع الكلام الي قلته صحيح وتنتهي المعاناة المزمنة خلال هذه السنة والف شكر على جهدك اخي ضاق بي الكون

[راجـي.خـير]

اخي اللي قال ان اللجنة تقفل يمكن يبي يصرف
اللجنة لن تقفل ولكن عملها موقوف بامر وهم بانتظار الأوامر يعني معندهم حل هذا ماقاله أحد كبار الموظفين لي شخصيا وهناك لجان مهتمه بالموضوع .
ولكن السؤال متى تنتهي!!!؟؟؟
الله أعلم بشهر بسنة بسنتين بـ100 سنة العلم عند الله.
بتظافر الجهود من أصحاب القضية والشيوخ وبذل المزيد والمزيد ثم المزيد والمزيد وعدم الكلل والملل من الجهد وإيصال الموضوع إلى ولي العهد والأمير محمد بن نايف بشكل مستمر حتى تصدر أوامرهم الكريمة بحل القضية.
** أعرف شخص كان يطالب بحل موضوع يخصة باللجنة أستمر برفع البرقيات وكان الرد دائما حسب النظام وبعد عدة برقيات جهته موافقة على موضوعه وذكرت هذه القصة فقط لشحذ الهمم وعدم اليأس فما دام انت حي أبذل جهدك وأستمر بمطالبك ولو بشكل أسبوعي أو شهري قدم معاريضك لديوان ولي العهد وللداخلية وللجنة ولأي مكان له علاقة لا أحد يستطيع رفض أستقبال معروضك.
يالله الفرج ..... آمين

[ضاق بي الكون]

يا جماعه الرجال حتى يوم جاهم جالسين يشطبون يقول

مو معناته تقفل يعني يوقف امر التجنيس بالعكس الخبر ايجابي لنا

الداخلية تبي الموضوع يخلص بسرعه

[انسان]

ماقول الا الله يستر بستره
لاحول ولا قوة الا بالله سيؤتينا الله من فضله وانا الى ربنا راغبون

[سيف الشمري]

السلام عليكم
انا رحت للجنه قبل اسبوع قال واحد من الموظفين... حنى ننتظر امر وزاري من الداخليه
ما نقدر نسوي شي لكم الحين وقال ان شاء الله قريب

اخوي الجنه صعب يقفلونها هي المسؤوله عن البطايق وهم شغلتهم يحققون مع البشر مو تبلي والله يعين
تفائلو بالخير وان شاء الله تلقونه

[الرازم]

حسبي الله ونعم الوكيل قبل كم اسبوع وصيت واحد من الجماعة يشوف لي معاملتي لبعدي عن منطقة الرياض يارجال والله شي من جد مقرف يقول دخلت على الموظفين ابي استفسر منهم عن المعامله لقيت واحدرافع رجله على الطاولة وسلمت ولارد السلام قالي خير قلت ابي اسال عن معاملت فلان قال ماجا شي للحين وقسم بالله يقول رافع رجله ولانزلها عن الطاوله لما رحت وهو رافعهاوالمشكله يقول انه ملتحي (مطوع)