يابو متعب مالنا غيرك ذخيره

[سالم سبيعي]

يابو متعب مالنا غيرك ذخيره *** انت ذخر للعرب اول وتالي

ياعريب الساس ياصقر الجزيره *** ياكبير الجاه ياريف الموالي

خادم البيتين والخدمة جديره *** نصرت الأسلام والمنصب مثالي

يامليك العرب مانفسك كبيره *** التواضع لابسه لبـس العقــالي

واطلب الخلاق علام السريره *** يبقا بيرق عـــزكم خفاق عالي

ذخرنا المذخور لاكمال المسيره *** نصرت للدين مزبن كل جالي

ويابومتعب حالنا والله عسيره *** من تصاريف الزمن والجيب خالي

عايشين بعيشة والله مـريره *** صابرين ومابقا غيـــر التــوالي

العيـــون اتشوف والايدي قصيره *** والزمن ياسيدي مـر وحالي

عين عطفك لانظرت لي بالبريره *** صرت كني من كبيرين المعالي

يابـومتعب اشتكي لك زود حيره *** حاير محتار من جور الليالي

مـن قسات الوقت ماكني بديره *** كني المبعد ورا القطب الشمالي

قلت الأثبات صارت لي نحيره *** وين ماوجهت واقعها اقبالي

واصبحت روحي لواقعها اسيره *** لي ثلاث اعقود بلشان بحالي

مانفع زود التبصر والبصيره *** يابو متعب هددت لقمة اعيالي

مالنا غير انت في وجه المغيره *** طالت المده ووقتي ماصفالي

عايشين بــــهم وانفوس كسيره *** وانت ابـونا والزمن هــد الجبالي

شعر / محمد مزعل العنزي

[همسة حق]

قلت الأثبات صارت لي نحيره *** وين ماوجهت واقعها اقبالي

واصبحت روحي لواقعها اسيره *** لي ثلاث اعقود بلشان بحالي

ماشاء الله صح لسان الشاعر وسلم يمينك على النقل الراائع

اسأل الله ان يصلح الاحوال ونستبشر قريبآ باذن الله ,,

[انسان]

صح لسان القائل
وسلمت يد الناقل

[سالم سبيعي]

لكم جزيل الشكر